ہندوستان میں  فعال کووڈ معاملوںکی تعداد 1 لاکھ  سے اوپر پہنچی

نئی دہلی۔30؍ جون۔ ایم این این۔  مرکزی وزارت صحت اور خاندانی بہبود کے مطابق، جمعرات کو   بتایا کہ ہندوستان میں گزشتہ 24 گھنٹوں کے دوران 18,819 کووڈ کیسز رپورٹ ہوئے، جو کل کے مقابلے میں 4،313  زیادہ ہے۔  بدھ کو ملک میں 14,506 نئے کوویڈ کیسز ریکارڈ کیے گئے تھے۔ اس کے ساتھ، ملک نے 1 لاکھ ایکٹیو کیسز کا ہندسہ عبور کر لیا ہے۔ پورے  ملک میں فعال کووڈ معاملوں کی تعداد اب 1,04,555 ہے۔ بدھ کو فعال کیسز 99,602 تھے۔ ملک میں یومیہ مثبتیت کی شرح بھی بدھ کے روز 3.35 فیصد سے بڑھ کر آج 4.16 ہوگئی۔ وزارت کے مطابق، گزشتہ 24 گھنٹوں کے دوران 13,827 کووڈ مریض صحت یاب ہوئے جس کے ساتھ ملک میں وبائی مرض کے آغاز سے اب تک صحت یاب ہونے والوں کی کل تعداد 4,28,22,493 ہوگئی ہے۔ صحت یابی کی شرح فی الحال 98.55 فیصد ہے۔ اس دوران 39 مریض وائرس کا شکار ہو گئے۔ ملک میں ہلاکتوں کی تعداد 5,25,116 ہوگئی ہے۔ ملک میں اب تک کئے گئے 86.23 کروڑ کووڈ ٹیسٹوں میں سے گزشتہ 24 گھنٹوں میں 4,52,430 ٹیسٹ کئے گئے۔ ہفتہ وار کیس کی مثبت شرح 3.72 فیصد ہے۔ ملک گیر ویکسینیشن مہم کے تحت گزشتہ 24 گھنٹوں میں 14,17,217 کووڈ ویکسین لگائی گئیں۔ اب تک کل 1,97,61,91,554 ویکسین لگائی جا چکی ہیں۔ ملک گیر ویکسینیشن مہم کے ایک حصے کے طور پر، حکومت ہند ریاستوں اور مرکز کے زیر انتظام علاقوں کو کووڈ ویکسین مفت فراہم کرکے ان کی مدد کر رہی ہے۔ کووڈ۔19 ویکسینیشن مہم کے عالمگیریت کے نئے مرحلے میں، مرکزی حکومت ریاستوں اور مرکز کے زیر انتظام علاقوں کو ملک میں ویکسین مینوفیکچررز کے ذریعہ تیار کی جانے والی 75 فیصد ویکسین کی خریداری اور فراہمی (مفت) کرے گی۔